Lokarriren aurkezpena. Oinarrizko hiru printzipio hauen inguruan lbakea eta bizikidetza lortzeko lanean ari den erakundea da Lokarri: 1)
indarkeria ezaren, bizitzaren eta giza eskubideen defentsa osotasun
etiko bezala, 2) bazterketarik gabeko elkarrizketaren aldeko aukera eta
pluraltasuna bizikidetzaren oinarri bezala eta 3) herritarren
borondatearekiko eta pintzipio demokratikoekiko errespetua politikaren
funtsesko arau bezala.
Ezker Abertzalearen bazterketa. Legez
kanporatuta dago une honetan sektore sozio-politiko hau eta bere
buruzagi asko espetxean daude edo baldintzapeko askatasunean ekintza
politikoetan jarduteko debeku zehatza dutela. Oinarrizko askatasun
demokratikoen urraketa larria erakusten du egoera honek.
Une
politikoa. Bakerako bidean aurrera egiteko aukera berriak zabaltzen ari
diren unean gaude. Ezker Abertzalea ha presentado su documento "Zutik
Euskal Herria" agiria aurkeztu du Ezker Abertzaleak, zeinean euskal
gatazkari konponbidea emateko indarkeria ezaren eta elkarrizketaren
alde agertzen den. Gainera, urrats unilateralak emateko borondatea
agertu du eta Ipar Irlandako prozesua gidatu zuten Mitchell
Printzipioak hartu ditu beregain. Elkarrizketa politikoa baldintzatzeko
indarkeria baztertu behar del diote printzipio hauek.
Aukerak
errealitate bihurtzeko erronka. Aukera hau bake prozesu berri bat
ahalbidetuko duen errealitate bilakatzea da erronka. Horretarako,
beharrezkoa da Ezker Abertzaleak aukera berdintasunean parte hartu ahal
izatea bere planteamenduak azaldu, proposatu eta ezagutzera eman
ditzan. Ezker Abertzaleko buruzagien atxiloketa eta prozesamendua
oztopo objektiboa da konponbide prozesu bat hasteko duten estrategia
berrira garatzeko.
Eskaeraren helburua. Helburu bikoitza du
Ezker Abertzaleko buruzagien askatasuna aldarrikatzeko eskaera honek: 1) Ezker Abertzale tradizionaleko buruen eta
sektore politiko honen osotasunaren oinarrizko askatasun demokratikoen
errespetua exijitzea eta 2) oztopo guztiak gelditzeko aldarrikatzea
estrategia politiko berri bat defini ahal dezaten.
Askatasun eskaeraren eskaera. 2.896 pertsonak izenpetu dute ondorengo testua:
Joan
zen urriaren 13an barne-eztabaidan ziharduten Ezker Abertzale
tradizionaleko buruen aurka egindako atxiloketak eta berriki Baltasar
Garzon epaileak egindako auzipetze autoaren aurrean, zera erreklamatzen
dut:
- Espainiako Auzitegi Nazionalari: Ezker Abertzale
tradizionaleko buruak berehala askatzea, espetxeratze hauek oinarrizko
eskubide eta askatasun demokratikoak, hala nola, adierazteko, biltzeko
edo elkartzeko eskubideak, urratzen dituztela uste baitut.
-
Gobernuei: etorkizunean ez dezatela sektore soziopolitiko honetan ireki
den eztabaida prozesuaren garapen naturala oztopatuko duen erabakirik
hartu, ilegalizazio edo atxiloketa berriak kasu, bizitza politikoan
baldintza beretan parte hartzeko eskubidea baitu.
Eskaera hau egiten
dut bakea lortzeko alderdi, instituzio eta gizartearen osotasunaren
aldetik jarrera ausart eta segurua beharrezkoa den uste osoa dudalako.