Horregatik, auziaren nondik-norako guztiak ikertuko dituen batzorde independiente bat eratzeko proposamena luzatu nahi du Lokarrik. Batzordea Giza Eskubideen alde lanean diharduten izen handiko hainbat erakundek, hala nola Amnistia Internacional eta Humans Right Watch erakundeek, osatu beharko lukete eta espainiar eta frantziar gobernuen laguntza eskuragarri eduki beharko lukete argitu ahal izateko Anza desagertu zenetik haren hilotza agertu bitartean jazotako guztia.
Ezin da zalantza izpirik ere geratu gertatutakoaz. Lehenik eta behin, senideen oinarrizko eskubidea delako. Bigarrenik, euskal gizarteak zer jazo den jakiteko eskubidea duelako. Hirugarrenik, sinesgarritasun gutxi duen gobernuen azalpen zehaztaugabe eta lausoa argudio bezala erabil baitaiteke justifikaezina dena justifikatzeko; hots, ETAren indarkeria.