Ez diogu beldurrik izan behar nafar gizarteak, heldua eta parte hartzailea den nafar gizarte honek, erronka honi baietz esateari. Are gehiago, iritsi da gizarte honi protagonismoa emateko ordua eta nafar herritarrek aukera eduki dezaten beren nahia demokratikoki eta kontsulta batean adierazteko. Sanz Presidentea, herri kontsulta bat deitzeko eskatzen dizugu ere, gizarteak bere oniritzia eman diezaion alderdi politikoek izenpetu dezaketen akordioari. Eta baldin eta akordiorik ez badago ere, kontsulta deitzeko eskatzen dizugu nafar gizarteak bere iritzia askatasunez eta demokratikoki eman dezan bere bizikidetzaren gainean.
Ez dago ezetz esateko arrazorik. Kontsulta bati ezetz esatea nafarrok gure erabakiak hartzeko gaitasunik ez dugula esatea da. Hain gaizki al dago gure elkarbizitza hobetzeko hitza eta ardura gure eskuetan uztea? Pertsona demokrata batek ezin ditu ukatu herritarrek modu askean beren hitza adierazteko bideak. Soilik beldurrek edo alderdien probetxu Naike justifikatzen ahal dute kontsulta bat deitzeari ezetza ematea. Katalunian edo Andaluzian jada egin da kontsulta bana eta herritarrek izan dute boza eman eta beren bizikidetzaz erabakitzeko aukera. Naafrroan, aldiz, oraindik ez da kontsultarik egin. Onartezeina da egoera honetan jarraitzea.
Elkarretaratze hau ez dugu bukatu nahi aurretik dei bat egin gabe, ETAri zuzendutako deia egin gabe. Biolentziak sufrimendu onartezina dakar, giza duintasuna urratzen du eta elkarrizketa, akordio eta kontsultarako bidea zaildu eta oztopatzen du. Biolentzia behin betiko bazter dezan agintzen diogu ETAri. Ez ditugu behar Giza Eskubideak eta gizarte honen ahobatezko nahia mespretxatuz gure izenean aritzen direla ditoen salbatzaileak.
Gure mezua argia, irmoa eta eraikitzailea da: batetik, biolentziaren amaiera eta Giza Eskubideekiko errespetua agintzen ditugu eta, bestetik, elkarrizketa, akordioa eta kontsulta. Hau da gure arazoak konpontzeko errezeta.